ⵉⵖⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ - iɣf n usggʷas amaziɣ

ⵉⵖⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ

ⴷⴰ ⵙⴼⵓⴳⵍⵓⵏ ⵢⵉⵎⴰⵣⵉⵖⵏ ⴽⵔⴰⵢⴳⴰⵜ ⴰⵙⴳⴳⵯⴰⵙ ⵙ ⵢⵉⵖⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ. ⴰⵙⵙ ⵏ 13 ⵉⵏⵏⴰⵢⵔ ⴳ ⵓⵙⵎⵍⵓⵙⵙⴰⵏ ⴰⴳⵔⵉⴳⵓⵔⵉ ⴰⴷ ⵉⴳⴰⵏ ⴰⵙⵙ ⴰⵎⴳⴳⴰⵔⵓ ⴳ ⵓⵙⴳⴳⵯⴰⵙ ⴰⵎⴰⵣⵉⵖ, ⵉⴳ ⵡⴰⵙⵙ ⵏ 14 ⴰⵙⵙ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ ⴰⵎⴰⵢⵏⵓ. ⵜⵍⵍⴰ ⵢⴰⵜ ⵜⵓⵍⵍⵉⵙⵜ ⵉⵣⵎⵔⵏ ⴰⴷ ⵜⵙⵙⴼⵔⵓ ⵎⴰⵅ ⵍⵍⵉⴳ ⵉⵍⵍⴰ ⵓⵎⵣⴰⵔⴰⵢ ⴰⴷ ⴳⵔ ⵜⵎⵉⵣⴰⵔ ⵏ ⵜⵎⴰⵣⵖⴰ ⵖⴼ ⵡⴰⵙⵙ ⵏ ⵢⵉⵖⴼ ⵏ ⵓⵙⴳⴳⵯⴰⵙ.

ⵜⵓⵍⵍⵉⵙⵜ ⴰⴷ ⴰⵔ ⵜⵙⴰⵡⴰⵍ ⵖⴼ ⵢⴰⵏ ⵓⴼⵉⵔⵄⵓⵏ ⴰⵎⴰⵣⵉⵖ ⴷ ⵢⵉⵙⵔⴷⴰⵙⵏ ⵏⵏⵙ, ⴰⵙⴼⵓⴳⵍⵓ ⴰⴽⵓⴷ ⴰⵏⵏ ⵇⴰⴷ ⵢⵉⵍⵉ ⴳ ⵡⴰⵙⵙ ⵏ 12, ⵡⴰⵍⴰⵢⵏⵏⵉ ⵎⴽ ⵍⵍⵉ ⵜⵜ ⵏⵏ ⴽⴽⴰⵏ ⴳ ⵢⴰⵜ ⵜⵉⵎⵉⵖⵜ ⵓⵔ. ⵙⵉⵙ ⵙⴼⵓⴳⵍⴰⵏ, ⴰⵢⵏⵏⴰ ⵖⴼ ⵜ ⵙⵎⴰⵟⵍⵏ ⴰⵔ ⴰⵙⵙ ⵏ 13, ⴷ ⵙ ⵎⴽ ⵏⵏⴰ ⵢⴰⵖⵓⵍ ⵓⵙⴼⵓⴳⵍⵓ ⵉⵍⵍⴰ ⴳ ⵡⴰⵙⵙ ⴰⴷ.

ⴰⵢⵍⵍⵉ ⵙ ⵏⵥⴹⴰⵕ ⴰⴷ ⵜ ⵏⵉⵏⵉ ⵉⴳⴰ ⵜ ⵎⴰⵙ ⴷ ⵎⵙⴰⵙⴰⵏ ⵢⵉⵎⴰⵣⵉⵖⵏ ⵙ ⵓⵎⴰⵜⴰ ⵖⴼ ⵎⴰⵙ ⴷⴰ ⵉⵜⵜⵏⵜⴰⵢ ⵓⵙⴼⵓⴳⵍⵓ ⴳ ⵡⴰⵙⵙ ⵏ 12, ⵉⵜⵜⵓⵙⵎⴰⴷ ⴳ ⵡⴰⵙⵙ ⵏ 14. ⴰⵙⵙ ⵏ 13 ⴰⴷ ⵉⴳⴰⵏ ⴰⵙⵙ ⵉⴳⴳⵯⵔⴰⵏ, ⴷ ⵡⴰⵙⵙ ⵏ 14 ⴰⴷ ⵉⴳⴰⵏ (ⴱⵍⴰ ⵜⵓⵔⴷⴰ) ⴰⵙⵙ ⴰⵎⵣⵡⴰⵔⵓ. ⵓⵙⵙⴰⵏ ⴰⴷ, ⵙ ⴽⵕⴰⴹ, ⴳⴰⵏ ⵓⵙⵙⴰⵏ ⵏ ⵓⵙⴼⵓⴳⵍⵓ. ⴽⵉⴳⴰⵏ ⵏ ⵜⵎⵙⵎⵓⵏⵉⵏ ⵜⵉⵎⴰⵣⵉⵖⵉⵏ ⵖⵔⴰⵏⵜ ⵉ ⵜⵏⴱⴰⴹⵉⵏ ⵏ ⵜⵎⵉⵣⴰⵔ ⵏ ⵜⵎⴰⵣⵖⴰ ⴰⴷ ⴳⵏⵜ ⴰⵙⵙ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⴰⵙⵙ ⵏ ⵓⵙⵓⵏⴼⵓ ⴰⵎⴰⴷⴷⵓⴷ ⵉⵜⵜⵓⴼⵔⴰⵏ ⵜⵉⵖⵔⴰⴷ ⵏⵏⵙ. ⵖⵉⵍ ⴰⴷ, ⵉⵍⵍⴰ ⵢⴰⵏ ⵡⴰⵙⵙ ⴳ ⵡⵓⵙⵙⴰⵙ ⴰⴷ ⵉⴳⴰⵏ ⴰⵙⵙ ⵏ ⵓⵙⵓⵏⴼⵓ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵜⵎⴰⵣⵖⴰ, ⵉⴳⴰ ⵡⴰⵙⵙ ⵏ 12 ⴰⵎⴷⴷⵓⴷ ⴳ ⵣⵣⴰⵢⵔ, ⴷ ⴰⵙⵙ ⵏ 14 ⴰⵙⵙ ⴰⵎⴰⴷⴷⵓⴷ ⴳ ⵎⵓⵔⴰⴽⵓⵛ, ⴰⵎⵎⴰ ⴳ ⵍⵉⴱⵢⴰ, ⵉⴳⴰ ⵡⴰⵙⵙ ⵏ 13 ⴰⵙⵙ ⴰⵏⴰⵎⵓⵔ.

ⵉⵜⵜⵓⵙⵙⴰⵏ ⵢⵉⵖⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵓⵍⴰ ⵙ ⵢⵉⴹⵏ ⵏ ⵢⵉⵏⵏⴰⵢⵔ, ⵉⵙⵏⵓⵎⴽⵏ ⵉⴹ ⵉⵣⵡⴰⵔⵏ ⴳ ⵡⴰⵢⵢⵓⵔ ⴰⵎⵣⵡⴰⵔⵓ, ⵉⵍⵍⴰ ⴰⵡⴷ ⵎⴰⴷ ⵜ ⵉⵙⵙⵏⵏ ⴷ ⵉⵙⴼⵓⴳⵍⴰ ⵙⵉⵙ ⵙ ⵢⵉⵙⵎ ⵏ ⵃⴰⴳⵓⵣⴰ. ⴰⵙⵙ ⴰⴷ ⵉⵎⵇⵇⵓⵔ ⴷⴰⵔ ⵢⵉⵎⴰⵣⵉⵖⵏ, ⵉⴳⴰ ⵢⴰⵏ ⵡⴰⵙⵙ ⴳ ⵜⵜⵉⵍⵉⵏⵜ ⴽⵉⴳⴰⵏ ⵏ ⵜⵎⵢⵓⵔⵉⵏ ⵉⵥⵍⵉⵏ ⵙⴳ ⵓⴷⵖⴰⵔ ⵖⵔ ⵡⴰⵢⵢⴰⴹ. ⴷⴰ ⴷ ⵜⴻⵜⵜⵎⵓⵏ ⵜⵡⵊⴰ ⵏ ⵢⴰⵏ ⴳ ⵡⴰⵙⵙ ⴰⴷ ⵙⴽⵔⵏ ⵜⵉⵔⴰⵎ ⵉⵥⵍⵉⵏ ⵙ ⵓⵣⵎⵣⵣⵓ ⴰⴷ ⵜⵉⵍⵉ ⴳⵉⵙ ⵜⵓⵎⵔⵜ. ⴰⵙⴼⵓⴳⵍⵓ ⴰⴷ ⵓⵔ ⵉⵥⵍⵉ ⵖⴰⵙ ⵙ ⵢⵉⵎⵙⵉⵡⵍⵏ ⵏ ⵜⵎⴰⵣⵉⵖⵜ, ⵎⴰⵛⴰ ⵉⴳⴰ ⵡⵉⵏ ⴰⴽⴽⵯ ⵉⵎⵣⴷⴰⵖⵏ ⵏ ⵜⵎⴰⵣⵖⴰ ⵍⵍⵉ ⵜⵜ ⵉⴳⴰⵏ ⵜⴼⵔⵉⵇⵜ ⵏ ⵓⴳⴰⴼⴰⵢ.

ⵓⵔ ⵉⵜⵜⵓⵙⵙⴰⵏ ⵎⵏⵛⴽ ⴰⴷ ⵓⵡⴹⵏ ⵢⵉⵎⴰⵣⵉⵖⵏ ⴳ ⵢⵉⵙⴳⴳⵯⴰⵙⵏ ⴳ ⵓⵙⵎⵍⵓⵙⵙⴰⵏ ⴰⵎⴰⵣⵉⵖ, ⴰⵢⴷ ⵉⵍⵍⴰⵏ ⴷⵖⵉ ⵉⴳⴰ ⵖⴰⵙ ⴰⵙⵙⵉⴹⵏ ⵙⴳ ⵓⵙⴳⴳⵯⴰⵙ ⵍⵍⵉ ⴳ ⵓⴷⴼⵏ ⵢⵉⵎⴰⵣⵉⵖⵏ ⵖⵔ ⵎⵉⵚⵕ ⵙ ⵜⵏⴰⵔⴰ ⵏ ⵓⴳⵍⵍⵉⴷ ⴰⵎⴰⵣⵉⵖ ⵛⵉⵛⵓⵏⴳ, ⴳ ⵓⵙⴳⴳⵯⴰⵙ ⵏ 950 ⴷⴰⵜ ⵏ ⵜⵍⴰⵍⵉⵜ ⵏ ⵄⵉⵙⴰ, ⵙ ⵎⴽ ⵍⵍⵉ ⵍⵍⴰⵏⵜ ⵜⵓⵍⵍⵉⵙⵉⵏ ⵉⵙⴰⵡⵍⵏ ⵖⴼ ⵢⴰⵏ ⵓⴼⵉⵔⵄⵓⵏ ⴰⵎⴰⵣⵉⵖ ⵙ ⵓⵣⴷⴰⵢ ⴰⴽⴷ ⵓⵙⴳⴳⵯⴰⵙ ⴰⵎⴰⵣⵉⵖ, ⴰⵎ ⵜⵓⵍⵍⵉⵙⵜ ⵏⴱⴷⵔ ⵉⴳⴰⵏ ⵙⴳ ⵍⵓⵔⴰⵙ ⴳ ⵣⵣⴰⵢⵔ, ⵛⵉⵛⵓⵏⴳ ⵉⴳⴰ ⴰⴼⵉⵔⵄⵓⵏ ⵍⵍⵉ ⵙ ⵉⵜⵜⵓⵏⵏⴰⵏ ⵉⵣⵎⵔ ⴰⴷ ⵜ ⵉⴳ, ⵖⴼ ⵓⵢⵏⵏⴰ ⵉⵜⵜⵓⵙⵜⴰⵢ ⵓⵙⴳⴳⵯⴰⵙ ⴰⵏⵏ ⴰⴷ ⵉⴳ ⴰⵏⵜⴰⵢ ⵏ ⵓⵙⵙⵉⴹⵏ ⵏ ⵓⵙⵎⵍⵓⵙⵙⴰⵏ ⴰⵎⴰⵣⵉⵖ. ⴰⵙⴰⴽⵓⴷ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵉⴳⴰ ⵙⴳ ⵢⵉⵙⵎⵍⵓⵙⵙⴰⵏⵏ ⵍⵍⵉ ⵓⵔ ⵏⵙⵙⵉⵏ ⴰⵙⴳⴳⵯⴰⵙ ⴰⵎⵣⵡⴰⵔⵓ ⵏⵏⵙ ⴳ ⵓⵎⵣⵔⵓⵢ ⵙ ⵓⵏⵖⴰⴷ, ⵓⵔ ⴷ ⴰⵎ ⴰⵎⵓⵙⵍⵎ ⵍⵍⵉ ⴳ ⵏⵟⵟⴰⴼ ⴰⵙⴰⴽⵓⴷ ⵏⵏⵙ ⵙ ⵓⵙⵎⵍⵓⵙⵙⴰⵏ ⴰⴳⵔⵉⴳⵓⵔⵉ.

ⴰⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⵓⵔ ⵉⴱⵉⴷⴷ ⵖⴼ ⵡⴰⴷⴰⴼ ⵏ ⵓⴼⵉⵔⵄⵓⵏ ⵛⵉⵛⵓⵏⴳ ⵖⵔ ⵎⵉⵚⵕ, ⵎⴰⵛⴰ ⵙⴼⵓⴳⵍⴰⵏ ⵢⵉⵎⴰⵣⵉⵖⵏ ⵙⵉⵙ ⴰⴽⴽⵯ ⵎⴰⵢⴷ ⵍⵍⴰⵏ ⴳ ⵜⵎⴰⵣⵖⴰ, ⵎⴰ ⵢⵓⵜⵉⵏ 950 ⴷⴰⵜ ⵏ ⵜⵍⴰⵍⵉⵜ ⵙ ⵓⵃⵟⵟⴰⵟ ⵏ ⵜⵙⵓⵜⵉⵏ, ⴰⵙⴼⵓⴳⵍⵓ ⵉⵣⴷⵉⵏ ⴰⴽⴷ ⵡⴰⴽⴰⵍ ⴷ ⵜⴽⵔⵣⴰ. ⵉⵜⵜⵓⵙⵙⴰⵏ ⴰⵡⴷ ⵓⵙⴳⴳⵯⴰⵙ ⴰⵎⴰⵣⵉⵖ ⵙ ⵓⵙⴳⴳⵯⴰⵙ ⴰⴼⵍⵍⴰⵃ ⵎⴽ ⴷⴰ ⵉⵜⵜⵓⵙⵖⴰⵏ ⵓⵙⵎⵍⵓⵙⵙⴰⵏ ⴰⵎⴰⵣⵉⵖ ⴰⴽⴷ ⵓⵙⵏⵎⴰⵍⴰ ⵏ ⵜⴼⵍⵍⴰⵃⵜ.

ⴰⵙⵎⵍⵓⵙⵙⴰⵏ ⴰⵎⴰⵣⵉⵖ ⵉⴳⴰ ⴰⵎ ⴰⵙⵎⵍⵓⵙⵙⴰⵏ ⴰⴳⵔⵉⴳⵓⵔⵉ, ⴳ ⵓⵏⵛⵜ ⵏ ⵢⵉⵔⵏ ⴷ ⵓⵍⴰ ⴳ ⵓⵏⵛⴽ ⵏ ⵡⵓⵙⵙⴰⵏ ⵏ ⴽⵔⴰⵢⴳⴰⵜ ⴰⵢⵢⵓⵔ, ⵉⵟⵟⴰⴼ ⴰⵡⴷ ⵏⵜⵜⴰⵏ ⴰⵙⴳⴳⵯⴰⵙ ⴳ ⵍⵍⴰⵏ 365 ⵏ ⵡⴰⵙⵙ, ⴷ ⵓⵙⴳⴳⵯⴰⵙ ⵍⵍⴰⵏ 366 ⵏ ⵡⴰⵙⵙ.

ⴰⵙⵙⵉⴹⵏ ⵏ ⵓⵙⵎⵍⵓⵙⵙⴰⵏ ⴰⵎⴰⵣⵉⵖ ⵉⵍⵍⴰ ⵙ ⵖⵉⴽ ⴰⴷ :

ⴰⵙⵎⵍⵓⵙⵙⴰⵏ ⴰⵎⴰⵣⵉⵖ = ⴰⵙⴳⴳⵯⴰⵙ ⴰⴳⵔⵉⴳⵓⵔⵉⵉ + 950 ⵏ ⵓⵙⴳⴳⵯⴰⵙ - 13 ⵏ ⵡⴰⵙⵙ

14/01/2025 = 01/01/2975

ⴰⵙⵖⵓⵏⵏ :

ⵜⴰⵡⴰⵍⵜ - tawalt

1 - https://tawalt.tinussan.com/wp-content/pdf/new_year_french.pdf

2 - https://tawalt.tinussan.com/wp-content/pdf/new_year_english.pdf

3 - https://tawalt.tinussan.com/wp-content/pdf/new_year.pdf